यो नै अन्तिम भेरीएन्ट हो ,कोरोना अब छिटै सकिन्छ !

कोभिडको नयाँ भेरियन्ट ओमिक्रोनले कोभिड १९ महामारीलाई नयाँ चरणमा लगेको र चाँडै नै यो महामारी अन्त्य हुने विश्व स्वास्थ्य संगठनले बताएको छ ।

विश्व स्वास्थ्य संगठनका महानिर्देशक हान्स क्लुग्ले यस्तो विश्वास व्यक्त गरेका हुन ।

उनका अनुसार,ओमिक्रोनले युरोपलाई महामारी अन्त्यको खेलतर्फ लग्दैछ । डब्लूएचओका महानिर्देशक हान्स क्लुगले भने मार्चसम्म भने ओमिक्रोनबाट ६० प्रतिशत युरोपेली संक्रमित हुनेछन ।

सम्पूर्ण युरोपलाई ढाकेको ओमिक्रोन केही महिनापछि शान्त रहने उनको विश्वास छ। खोपका कारण विश्वव्यापी रुपमा मानिसहरुको रोग प्रतिरोधात्मक क्षमता बढेको उनले बताए। ‘तर, यस वर्षको अन्त्यसम्ममा विश्व शान्त बन्नेछ,’ उनले भने ।

अमेरिकाका वरिष्ठ वैज्ञानिक एन्थोनी फाउसीले पनि कोभिड संक्रमण विस्तारै विश्वबाटै घट्दै जाने विश्वास गरेका छन् । अमेरिकामा कोभिड संक्रमण विस्तारै घट्दो क्रममा छ ।

यता नेपालमा कोरोना भाइरस संक्रमित आइतबार (हिजो) ६४६२ जना थपिएर हाल ७७०४० जना सक्रिय संक्रमित पुगेको छ । भने कोरोना भाइरसको नयाँ भेरियन्ट ओमिक्रोनको संक्रमित सांख्य ५५ पुगेको छ ।