कपनबाट ६ किलो सुनसहित चिनियाँ नागरिक पक्राउ

काठमाडौं । त्रिभुवन विमानस्थलबाट हुने सुन तस्करीम जोडिएका एक चिनियाँ नागरिक काठमाडौंको कपनबाट ६ किलो सुनसहित पक्राउ परेका छन्।

नेपाल प्रहरीको केन्द्रीय अनुसन्धान व्यूरो (सिआइबी)ले ती नागरिकलाई कपनबाट पक्राउ गरेको हो।

पक्राउ परेका नागरिकको पहिचान खुलाइएको छैन। सुनको परीक्षण हुन बाँकी रहेको र ती नागरिकबाट अन्य तथ्य पनि खुल्न बाँकी रहेकाले पहिचान गोप्य राखिएको सिआइबीले जनाएको छ।

सुन तस्करी घटनाको दोस्रो चरणको अनुसन्धान गर्ने क्रममा चिनिया नागरिकसम्म सिआइबी पुगेको हो।