नेपाल आइडल सिजन ५ को उपाधि करण परियारलाई

काठमाडौं । गायन रियालिटी शो नेपाल आइडल सिजन ५ को उपाधि बर्दियाका करण परियारले जितेका छन् ।

शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरु मोहित भुजेल, सलोमी गुरुङ र सचिन विश्वकर्मालाई पछि पार्दै उनी विजेता बनेका हुन् ।

दर्शकको भोटको आधारमा उनी विजेता चुनिएका हुन् ।विजेता बनेका उनले पुरस्कार स्वरूप उपाधि ट्रफी र नगद २५ लाख रूपैयाँ पनि जितेका छन्।

त्यसैगरी पोखराकी सलोमी गुरुङ फर्स्ट रनर अप हुँदा दार्जिलिङका सचिन विश्वकर्मा सेकेन्ड रनरअप बने। उनीहरूले क्रमशः नगद १० लाख र ५ लाखसहित पुरस्कार हात पारे।