mediadainik.com 
काठमाडौं । नेकपा माओवादी केन्द्रको भ्रातृ संगठन योङ कम्युनिष्ट लिग (वाईसीएल) नयाँ कार्यसमिति घोषणा भएको छ ।
जस अनुसार, यसअघि ३५ सदस्यीय पदाधिकारीको संख्या बढाएर ७५ पुर्याइएको छ । जस अनुसार, अध्यक्षमा पुष्प ओली र महासचिवमा गणेश शाहीको नाम निर्विरोध भएको हो ।
त्यस्तै, २२ जना उपाध्यक्ष बनेका छन् । उनीहरू सबै निर्विरोध भएको घोषणा गरिएको छ ।
उपमहासविच १९ जना बनेका छन् । त्यस्तै ३१ जना सचिव बनेका छन् भने एक जना कोषाध्यक्ष बनेका छन् ।
वाईसीएलको नेतृत्वका लागि दर्जन बढी आकांक्षी थिए । यद्यपि, उनीहरूबीच लामो समयको छलफलपछि आज नयाँ कार्यसमिति घोषणा गरिएको छ ।
वाईसीएलको नेतृत्व चयनमा सहमति जुट्न नसक्दा पटकपटक निर्वाचन कार्यतालिका संशोधन गरिएको थियो ।
उनीहरूको शपथ पनि आजै हुँदैछ ।
