शास्त्रीय संगीतका गुरु गुरुदेव कामतको निधन

काठमाडौं । नेपाली सङ्गीत क्षेत्रका चर्चित एवं शास्त्रीय सङ्गीतका साधक गुरुदेव कामतको निधन भएको छ।

लामो समयदेखि मिर्गौला रोगका कारण ग्रसित उनको आज बिहान ८ बजे सिरहास्थित आफ्नै निवासमा निधन भएको उनका छोरा समीर कामतले जानकारी दिए उनको आजै अन्त्येष्टि गर्ने तयारी छ ।

शास्त्रीय संगीतमा निकै श्रद्धाका साथ लिइने नाम गुरुदेव कामतको दुवै मिर्गौलामा समस्या देखिएको गत चैतमा पत्ता लागेको थियो । उपचारका लागि आर्थिक संकटको सामना गर्नुपरेपछि उनी सपरिवार आफ्नो जन्मथलो सिरहाको पोखरभिन्डा फर्किएका थिए ।