Trending
mediadainik.com 
काठमाडौं । नेकपा एमालेका अध्यक्ष केपी शर्मा ओलीले गायन रियालिटी शो ‘नेपाल आइडल सिजन ५’ का विजेता करण परियार र उपबिजेताहरुलाई बधाई दिएका छन् ।
आइतबार दिउँसो आफ्नै निवास बालकोटमा बोलाएर उनले बिजेता करण र उपबिजेताहरुलाई बधाई दिएका हुन् । उनले समय पाएका बेला करणको गायन प्रतिभा सुनेको बताए ।
ओलीले फेसबुकमा लेखेका छन्, ‘समय पाएका बेला मैले करण परियारको सुमधुर गायन सुनेको थिएँ ।
नेपाल आइडल सिजन ५ को विजेता घोषित हुँदा प्रतिभाको कदर भएको महसुस गरेको थिएँ । आज भेट भयो, खुसी लाग्यो । फेरि पनि बधाई करण र अन्य बिजेताहरुलाई ।’
बालकोटमा नेकपा एमालेका केन्द्रिय नेताहरुको पनि बाग्लो उपस्थिति रहेकाले ‘नेपाल आइडल सिजन ५’ का बिजेता र उपबिजेताहरुलाई अन्य नेताहरुले समेत शुभकामना तथा बधाई दिए ।
शनिबार सम्पन्न फिनालेमा बर्दियाको बारबर्दिया नगरपालिकाका करण ‘नेपाल आइडल सिजन ५’ को विजेता चुनिएका हुन् ।
