लक्ष्मीभक्त मानन्धर र हरी कुमारी मानन्धरको स्मृतिमा फुट्सल हुँदै

काठमाडौँ । काठमाडौँ निवासी स्वर्गीय लक्ष्मी भक्त मानन्धर र हरी कुमारी मानन्धरको सम्झनामा प्रथम स्मृति अन्डर -१४ प्रिमियर फुट्सल खेल आज बाट काठमाडौँ तारकेश्वर -४ स्थित सेक्रेट हार्ट स्कुलको खेल मैदान संचालन भइ रहेको छ ।

यहि श्रावण १६ र १७ गते दुई दिन संचालन हुने यस अन्डर -१४ प्रिमियर फुट्सल खेल काष्ठमण्डप ईभेंट एण्ड म्यानेजमेन्टले आयोजना गरेको हो ।

काठमाडौं उपत्यका भित्र रहेका विधालयका बाईस टिम सहभागी यस खेलमा बिभिन्न विधामा पुरस्कारहरु राखिएको छ , जसमा प्रथम हुने टिमले नगद बिस हजार दोस्रो हुने टिमले नगद दश हजार लागएत ट्रफी प्रमाण-पत्र पाउनेछन भने तेसो र चौथो हुने टिमले पनि ट्रफी प्रमाण-पत्र पाउने कार्यक्रमको संयोजक युदिल महर्जनले बताए ।

यस पहिलो स्मृति फुट्सल खेलको मुख्य प्रयोजन महालक्षी कन्ट्रक्सन प्रालिले गरेको छ। खेलाडीहरुको उच्च मनोबल राख्न र हौसला बढाउन यस्ता खेलको आयोजना गर्नु पर्ने लक्ष्मी कन्ट्रक्सनका संचालक राजेन्द्र मानन्धरले बताए ।