स्कुल बस दुर्घटना अपडेट : ३३ वर्षीया आमा आरती र छोराको मृत्यु

लेखनाथ। पोखरामा स्कुल बस दुर्घटनामा दुई जनाको मृत्यु भएको छ । सोमबाचर विहान एलपी देवकोटा मेमोरियल इङ्लिस स्कुलको बस दुर्घटना हुँदा सोही स्कुलकी कर्मचारी ३३ वर्षीया आरती विकको गण्डकी मेडिकल कलेज पुर्‍याउने बित्तिकै पौने १० बजे मृत्यु भएको हो ।

आरतीका छोरा अन्दाजी पाँच वर्षीय प्रिन्सको पनि उपचारका क्रममा ११ स् ४५ बजे गण्डकी मेडिकल कलेजमा मृत्यु भएको हो ।

बसमा ३० जना सवार रहेकोमा बाँकी २८ जनाको पोखराका तीन अस्पतालमा उपचार हुँदै छ ।

पोखरा महानगरपालिका–२१ फुर्सेखोलाको घुम्तीमा रामदीबाट बिरौटा फर्कने क्रममा पोखरा–१७ विरौटामा रहेको एलपी देवकोटा मेमोरियल इङ्लिस स्कुलको बस दुर्घटना भएको हो । बसमा ३० जना सवार थिए ।