सेन्चुरी बैंकका पूर्व अध्यक्ष श्रेष्ठसहित ८ जना पक्राउ

काठमाडौं । सेन्चुरी बैंकका पूर्व अध्यक्ष राजेश श्रेष्ठ पक्राउ परेका छन्। उनलाई केन्द्रीय अनुसन्धान ब्युरो सीआईबीले सोमबार पक्राउ गरेको श्रोतले बताएको छ।

यसअघि कमसल धितोमा बढी कर्जा प्रवाह गरेको आरोपमा १५ फागुन २०८० मा तत्कालीन सेञ्चुरी बैंकका प्रमुख कार्यकारी अधिकृत (सीईओ) मनोज न्यौपाने र तुलसी गौतमसहितका कर्मचारी पक्राउ परेका थिए ।

उनीहरुले सेञ्चुरी बैंकमा रहँदा कमसल धितोमा दुई अर्ब ११ करोड ६५ लाख ५५ हजार रुपैयाँ बराबरको कर्जा प्रवाह गरेको सीआईबीले बताएको छ । उक्त ऋण धितोभन्दा ९७ करोड ४१ लाख ७० हजार ७ सय ७२ रुपैयाँले बढी पाइएको सीआईबीको दाबी थियो ।