राष्ट्रियसभा बैठक सोमबारसम्म स्थगित

काठमाडौं । राष्ट्रिय सभाको बैठक  बस्दै नबसी स्थगित भएको छ । सहकारी ठगी प्रकरणमा छानबिन गर्न गठन हुने भनिएको ससदीय समितिको टीओआरमा सहमति नजुटेपछि राष्ट्रियसभा बैठक सोमबारसम्मका लागि स्थगित भएको हो।

सहमतिको प्रयास जारी रहेपछि दिउँसो सवा १ बजेका लागि बोलाइएको बैठक अपराह्न सवा ३ बजेका लागि सारिएको थियो । तर उक्त समयमा पनि टीओआरमा सहमति नजुट्ने देखेपछि संघीय संसद सचिवालयले बैठक सोमबार दिउँसो सवा एक बजेसम्मका लागि स्थगित भएको सूचना सार्वजनिक गरेको हो ।

सत्तारुढ दलहरु छानबिन समिति गठन गर्न तयार भएपछि संसदको गाँठो फुकाउने बताएका विपक्षी दलहरु समितिको टीओआर नबनेसम्म संसद बैठक चल्न नदिने अडानमा छन् ।