उच्च पुगेको सुनको मूल्य स्थिर

काठमाडौँ । शुक्रबार उच्च विन्दुमा पुगेको सुनको मूल्य स्थानीय बजारमा आइतबार पनि त्यहीँ मूल्यमा कायम भएको छ।

नेपाल सुनचाँदी व्यवसायी महासंघका अनुसार आइतबार पनि शुक्रबारकै मूल्य प्रतितोला १ लाख ४६ हजार ७ सय रुपैयाँ कायम भएको हो।

त्यस्तै,चाँदीको मूल्य भने तोलामा २५ रुपैयाँ घटेको छ।

अघिल्लो दिन प्रतितोला १९०० रुपैयाँमा कारोबार भएको चाँदी आज दिन १८७५ रुपैयाँ पुगेको नेपाल सुनचाँदी व्यवसायी महासंघले जनाएको छ।