आमिर खानका फिल्म ओटीटीमा नआउने, भन्छन्- मलाई थिएटरमा विश्वास छ

यसबारे उनले असहमति जनाए, ‘तपाईं हलपछि केही हप्तापछि ओटीटमा आउनुहुन्छ । यो कुरा मैले बुझेको छैन ।’

उनले हलमा मात्र आफ्नो फिल्म आउने बताए । ‘म मेरो के कुरामा क्लियर छु भने मेरो जुन फिल्म आउँछ, त्यो केवल हलमा मात्र आउँछ ।’ उनले थिएटरप्रति आफ्नो विश्वास कायम रहेको बताए ।

उनले भने, ‘धेरैलाई लाग्छ, १० वर्षपछि थिएटर रहँदैन । केही मान्छेले यसबारे ठूलो कुरा पनि गरेका छन् । म सिनेमाको मान्छे हुँ । हुनसक्छ म बेबकुफ हुँला । हुनसक्छ म बकबास गरिरहेको हुँला । तर त्यो चीजमा मेरो विश्वास छ ।’

‘मेरो विश्वास सिनेमा अर्थात थिएटरमा छ’ उनले भने ।

उनले अघि भने, ‘मलाई अलग-अलग प्लेटफर्मबाट धेरै अफर आएको छ । मैले सबैलाई सम्मानपूर्वक हुँदैन भनिदिएँ । म केवल थिएटरमा आउँछु । जब थिएटरको ब्यापार खत्तम हुन्छ, त्यसपछि के गर्ने, त्यो सोचौंला ।’

‘मात्र थिएटर’ उनले भने ।

के ‘सितारे जमीन पर’ तपाईंको अन्तिम फिल्म हो ? भनेर सोधिएको प्रश्नमा उनको जवाफ थियो– यदि अन्तिम केही काम गर्नुपर्‍यो भने त्यो महाभारत हुनेछ ।’

आमिरको आगामी प्रतीक्षित फिल्म ‘सितारे जमीन पर’ २० जुनमा रिलिज तयारीमा छ । यो फिल्मलाई नेट्फिल्क्सले १२५ करोड भारुमा प्रस्ताव गरेको भारतीय संचारमाध्यमले जनाएका छन् । यसबारे पुष्टि भैसकेको छैन ।